Cette page a été validée par deux contributeurs.
.jpg)
I
ORAISON FUNÈBRE
DE LA MORT DE L’INCOMPARABLE
MARGUERITE, ROYNE DE NAVARRE
ET DUCHESSE D’ALENÇON
COMPOSÉE EN LATIN PAR CHARLES DE SAINTE-MARTHE
ET TRADUICTE PAR LUY EN LANGUE FRANÇOISE
Icy est le mirouer des Princesses.
.jpg)
es Anciens fort bien & sagement feirent, ô Alençonnois, quand ils instituèrent que ceuls qui auroient illustré leur nom par la gloire de leurs vaillances & prouesses, & délaissé quelque noble tesmoignage & exemple de vertu, fussent grandement loués. Car il n’est rien, certes, plus raisonnable que de payer à Vertu son salaire, qui est l’honneur, ne plus convenable à toutes bonnes personnes & nobles cœurs que de chasser & régenter le vice comme vil & deshonneste.
