si bien l’espouuante parmy les Polonnois, qu’ils tournerent bride en grande confusion : Cependant le reste de leur cauallerie et infanterie s’approchoit en aussi grande dilligence qu’ils pouuoient, pensans auoir tout gaigné. Mais voyans les leurs tourner bride en tel desordre, commencerent à gaigner au pied, et furent poursuiuis par cinq ou six mil cheuaux, plus de sept ou huict virst de païs. Demetrius perdit presque toute son infanterie, quinze tant enseignes que cornettes, treize pieces d’artillerie, et demeurerent cinq ou six mil hommes sur la place, sans vn nombre de prisonniers, desquels tous ceux qui se trouuoient Russes furent pendus en l’armée : les autres furent menez auec les cornettes et enseignes, trompettes et tambours, en triomphe, en la ville de Mosco. Demetrius auec le reste de ses forces se retira à Poutimel, où il demeura iusques au mois de May. L’armée de Boris alla assieger Rilets qui s’estoit rendu audit Demetrius : mais apres y auoir demeuré quinze iours sans rien faire, leua le siege, en intention de licencier pour quelques mois l’armée, laquelle estoit bien fatiguée. Mais Boris aduerty de cecy, escriuit aux chefs de son armée, auec expresse deffense de ne la licentier. Apres donc que l’armée se fust vn peu rafraischie et reposée au pays de Siuers, Mistisloftsqui, et Knes, Vasilei, Iuanneuits, Choutsqui (lequel fut enuoyé de Mosco pour compagnon audit Mistisloftsqui) s’acheminerent vers l’autre armée, laquelle apres auoir mis le siege à Crom : les deux armées iointes demeurerent deuant Crom, sans executer chose
Page:Margeret - Estat de l'empire de Russie.pdf/99
Le texte de cette page a été corrigé et est conforme au fac-similé.
![](http://upload.wikimedia.org/wikipedia/commons/thumb/d/dd/Margeret_-_Estat_de_l%27empire_de_Russie.pdf/page99-1024px-Margeret_-_Estat_de_l%27empire_de_Russie.pdf.jpg)