de medon blanc, lesquels l’on pose sur les tables, et vn chacun auec de grandes tasses puise dedans, et à mesure que l’vn est vuide, l’on en rapporte vn autre de quelque autre sorte, selon que l’on le demande plus ou moins fort. Puis l’Empereur enuoye la troisiesme à vn chacun, vne tasse pleine de quelque fort medon ou vin clairet ; puis finalement quand l’Empereur a disné, il enuoye la quatriesme et derniere fois à vn chacun vne autre tasse pleine de Patisni mieud, qui veut dire, Medon de miel vierge, lequel n’est pas fort, mais est clair comme eau de roche, et fort delicat. Apres cela, l’Empereur enuoye à vn chacun particulierement vn plat de viande, qu’vn chacun enuoye en sa maison, et à ceux que l’Empereur fauorise le plus, il taste vn peu desdites viandes auant que de les enuoyer, ce qui se donne, reiterant les paroles cy-dessus mentionnées comme aussi tout ce que l’on reçoit pendant le disner, outre les conuiez l’Empereur enuoye à chaque Noble en sa maison, et tous ceux qu’il fauorise, vn plat de viande qu’il appelle Podatdh, ce qui ne se fait seulement en temps de festin, ains tous les iours vne fois, et s’obserue aussi exactement que faire se peut. Si l’Empereur n’est disposé à festoyer vn Ambassadeur, apres qu’il a eu audience, selon la façon du païs, l’Empereur luy enuoye à disner au logis, auec telle ceremonie ; Premierement l’on enuoye quelqu’vn des principaux Gentils-hommes, vestu de toile d’or, le colet et bonnet brodés de perles, qui va à cheual deuant le disner pour porter la parole, et denoncer la grace de l’Empereur à l’Ambassa-
Page:Margeret - Estat de l'empire de Russie.pdf/90
Le texte de cette page a été corrigé et est conforme au fac-similé.
![](http://upload.wikimedia.org/wikipedia/commons/thumb/d/dd/Margeret_-_Estat_de_l%27empire_de_Russie.pdf/page90-1024px-Margeret_-_Estat_de_l%27empire_de_Russie.pdf.jpg)