meurtry) son reuenu annuel montant, s’il eust esté bien mesnagé, à quatre mille roubles.
L’an mil six cens, vint vne grande ambassade de Pologne, à sçauoir, Leo Sapia à present Chancellier de Lithuanie, auec lequel la paix fut concluë pour vingt ans, il fut longuement retenu contre son gré, car il demeura à Mosco depuis le mois d’Aoust iusques à la fin du grand caresme mil six cens vn, Boris estant pour lors malade : le iour qu’il eut ses depesches, il baisa la main de l’Empereur estant en Chambre d’Audience assis sur le throsne Impérial, la couronne sur la teste, le sceptre en la main, la pomme d’or deuant luy, son fils assis aupres de luy à sa senestre, les Seigneurs du Conseil et Occolnitshes assis sur des bancs tout à l’entour de la chambre vestus de robbes de tres-riche toile d’or brodée de perles, vn haut bonnet de regnard noir sur la teste : à chaque costé de l’Empereur deux ieunes Seigneurs debout vestus de robbes de velours blanc bordées tout à l’entour par le dehors de la largeur d’vn demy-pied d’hermine, vn haut bonnet blanc sur la teste, auec deux grandes chaisnes d’or esmaillé au col en croix, et chacun d’eux vne riche hache d’armes d’acier de damas qu’ils tiennent sur leurs espaules en telle posture que s’ils estoient prests à deslacher le coup. Cela represente une grande Maiesté. La grande salle par où les Ambassadeurs passent, toute pleine de bancs, sur lesquels sont assis d’autres Devorennes, habillez de mesme. Ils ne s’osent là troquer aucuns qui n’ayent robbes de drap d’or, et ne se bougent lorsque l’Ambassadeur passe par vne