iusqu’à la mort. Ils aduoüent la Trinité, neantmoins ils different de nous, en ce qu’ils n’aduoüent le Sainct Esprit procedder du Pere et du Fils également, ains du Pere seul reposant sur le Fils. Ils ont plusieurs Images, mais nulle taillée que la Croix, car toutes les autres sont de plattes peintures. Ils dient auoir la Vierge Marie peinte par les propres mains de l’Euangeliste saint Luc, leur plus grand Patron est sainct Nicolas. Oultre les Saincts qu’ils ont de la Grece ils en canonisent plusieurs. Mais n’y a nulle Saincte entre-eux que la Vierge Marie. Ils ont vn Patriarche, qui a esté créé au temps de Iohannes Basilius par celuy de Constantinople. Il y a, si ie ne me trompe, cinq Archeueschez, plusieurs Eueschez et Abbayes, les Prestres seuls administrent les Sacremens, lesquels Prestres sont mariez, leurs femmes venans à mourir, ils ne peuuent plus administrer, s’ils ne se remarient, ils se peuuent rendre Moines. Les Moines ne sont non plus mariez que le Patriarche, Euesques et Abbez, et pour ce ne peuuent administrer les Sacremens, ny manger de la chair, ains faut que chacun d’eux reçoiuent les Sacremens desdits Prestres. Ils administrent le Sacrement sous les deux especes à tous indifferemment, clercs et lais, apres la Confession auriculaire, coustumierement vne fois l’an. Si les Prestres se remarient, ils deuiennent lais. Ils n’estiment aucuns estre deuëment baptisez que ceux qui le sont à la Grecque, combien qu’ils dispensent les Catholiques de se rebaptiser. Ils obseruent les Festes exactement, et le Samedy mesme, autant
Page:Margeret - Estat de l'empire de Russie.pdf/44
Le texte de cette page a été corrigé et est conforme au fac-similé.
![](http://upload.wikimedia.org/wikipedia/commons/thumb/d/dd/Margeret_-_Estat_de_l%27empire_de_Russie.pdf/page44-1024px-Margeret_-_Estat_de_l%27empire_de_Russie.pdf.jpg)