humaine, lequel nom quelqu’vn s’est acquis par beaux faits d’armes. À cest effect apres que Theodore Iohannes Zar de Russie eust leué le siege de devant Narue, laquelle il auoit assiegée, et que les Depputez et Ambassadeurs de part et d’autre furent assemblez pour conclurre la paix entre la Russie et Suede, ils debattirent plus de deux iours sur le tiltre que Theodore vouloit auoir d’Empereur, les Suedois ne le voulans recognoistre pour tel. Les Russes disent que le mot de Zar estoit encores plus grand que Empereur, et ainsi fut l’accord fait qu’ils le nommeroient tousiours Zar et grand Duc de Moscouie, chacune des parties pensans auoir trompé l’autre par ce mot de Zar. Le Roy de Pologne leur escrit tout de mesme. L’Empereur des Romains luy donne le tiltre d’Empereur, comme faisoit la feuë Royne Elizabeth, et fait aussi le semblable le Roy de la grande Bretagne, le Roy de Dannemarc, le grand Duc de Toscane, le Roy de Perse, et tous ceux de l’Asie luy donnent tous les tiltres qu’il prend. Quant au Turc, veu qu’il n’y a eu nulle correspondance ny Ambassadeurs entr’eux de mon temps, ie ne sçay quel tiltre il luy donne. Ce Iohannes Basilius a eu sept femmes, qui est contre leur religion, laquelle ne permet d’en prendre plus de trois, desquelles il eut trois fils. Le bruict court qu’il tua son aisné de sa propre main. Ce qui se trouue autrement, car combien qu’il le frappa du bout d’vn baston ferré d’vne poincte d’acier carrée, lequel baston est en forme de crosse, nul ne l’osant porter que les Empereurs, qui est
Page:Margeret - Estat de l'empire de Russie.pdf/37
Le texte de cette page a été corrigé et est conforme au fac-similé.
![](http://upload.wikimedia.org/wikipedia/commons/thumb/d/dd/Margeret_-_Estat_de_l%27empire_de_Russie.pdf/page37-1024px-Margeret_-_Estat_de_l%27empire_de_Russie.pdf.jpg)