quelle asseurance fut-ce de se mettre entre les mains des Russes, desquels il ne pouuoit encores estre bien asseuré, leurs forces ne passant le nombre de huict à neuf mil hommes, desquels vne grande partie estoient paysans, et faire teste à vne armée de plus de cent mil hommes, puis ayant perdu la bataille, toutes ses dites forces deffaites, perdu le petit nombre de canons qu’il auoit auec toutes ses munitions, s’en alla rendre auec trente ou quarente personnes dedans vne ville nommée Risque, laquelle s’estoit rendue à luy peu de temps auparauant, sans aucune asseurance de leur fidelité, et de là à Poutimel, qui est vne grande et riche ville, où il seiourna depuis le mois de Ianuier, iusques en May ensuiuant, sans que iamais il se demonstrast autre en ses aduersitez qu’auparauant, combien que Boris fist tous ses efforts tant par secrettes menées qu’ouuertement pour le faire empoisonner, tuer ou emprisonner, puis tant de fausses allegations, pour persuader le peuple qu’il estoit vn imposteur, sans que jamais Boris voulust faire interroger sa mere en public, pour tesmoigner de ce qui en estoit, et furent finalement contraints de dire, que combien qu’il fust le vray fils de Iohannes Basilius, il ne deuoit estre receu, pour autant qu’il n’estoit legitime, veu qu’il estoit fils de la septiesme femme, ce qui est contre leur religion, et qu’il estoit vn heretique, et toutesfois cela ne peut de rien seruir contre luy : puis parlons de sa clemence enuers vn chacun, apres qu’il fust receu en Mosco, et principalement enuers Vacilei Choutsqui à present Empereur, lequel fust
Page:Margeret - Estat de l'empire de Russie.pdf/131
Le texte de cette page a été corrigé et est conforme au fac-similé.
