rir le bruict) tout entier, ses habits aussi frais et entiers qu’ils estoient quant on l’enterra, (car c’est la coustume d’enterrer vn chacun auec les habits dans lesquels il a esté meurtry) et mesmes des noisettes entieres en sa main. Lequel estant deterré, fit, à ce qu’ils disent, plusieurs miracles tant en la ville que par les chemins. L’on l’amena auec procession du Patriarche et tout le Clergé, auec toutes les reliques, desquelles ils ont vn grand nombre. L’esleu Empereur Vacilei Choutsqui, la mere du deffunct Demetrius, et de toute la noblesse en la ville de Mosco, ou il fut canonizé Sainct par le commandement dudit Vacilei Choutsqui. Ce qui n’appaisa gueres le peuple, car ledit Vacilei fut par deux fois bien pres à estre deposé, combien qu’il se fist couronner le vingtiesme Iuin suiuant.
Il enuoya vn grand nombre de Polonnois, à sçauoir des seruiteurs gens de petite qualité en Pologne, retenant les principaux comme prisonniers, pour faire venir le Polonnois à vne paix. Il enuoya le Palatin Sendemier auec sa fille l’Imperatrice à Ouglitz pour y estre gardez, ledit Palatin estant fort malade.
Pour conclure, le deffunct Empereur Demetrius Iohannes fils de l’Empereur Iohannes Basilius, surnommé le Tiran, estoit aagé d’enuiron vingt-cinq ans, n’ayant nulle barbe, d’vne stature mediocre, les membres forts et nerueux, brun de complexion, et auoit vne verruë pres du nez sous l’œil droit, il estoit agile, auoit vn grand esprit, estoit clement, tost offencé, mais aussitost appaisé, liberal, enfin vn
