moy, ou choses semblables, ils disent tu as menty, et mesme le seruiteur à son maistre, et combien que Iohannes Basilius ait esté surnommé et tenu pour vn tiran, si n’a-il pris ses dementis en mauuaise part, mais maintenant ils n’en vsent si librement qu’ils faisoient il y a quelque vingt ou trente ans, depuis qu’il y a eu des estrangers parmy eux.
Les Knes, Mistisloftsqui, et Choutsqui, furent mandez incontinent apres la mort dudit Boris, par l’Imperatrice sa femme, et Feder Borisuits, fils du deffunct, sans toutesfois que l’armée fut aduertie de sa mort. Le vingt-septiesme arriua en l’armée, tant pour faire prester serment aux gens de guerre, que pour suppléer à la place des precedens. Pietre Federuits Basmannof (lequel estoit Gouuerneur de Nouogorod, lors que Demetrius l’auoit assiegée) et encores vn autre. L’armée presta serment de fidélité et obeyssance à Feder Borisuits, fils du deffunct, le recognoissant pour Empereur, lequel enuoya des lettres fort fauorables en l’armée, les admonestant de continuer la mesme fidelité enuers luy, qu’ils auoient tesmoigné à feu Boris Federuits son pere, les asseurant de sa liberalité enuers vn chacun apres les six semaines du dueil expirées.
Knes, Vacile, Iuanneuits, Galitchin, et Pietre Federuits, bas Mannof, auec plusieurs autres, se rendirent à Demetrius Iohannes, le dix-septiesme May et prirent prisonniers deux autres Voiuod, à sçauoir Iuanneuits, Godonof, et Michel Saltocof. Le reste des Voiuod et de l’armée prindrent la fuite vers Mosco, laissans tout le canon et autres munitions aux tranchées. De iour en