Le texte de cette page a été corrigé et est conforme au fac-similé.
Ceſt ung bel honneur de plaider
a ung fol vaten a tes beſtes
le bergier
Bee
le iuge
Vous monſtrez bien qui vous eſtes
ſire par le ſang noſtre dame
le drappier
He dea monſeigneur bon gre mame
ie luy vueil
Pathelin
Sen pourroit il taire
le drappier
Et ceſt a vous que iay a faire
vous mauez trompe faulſement
et emporte furtiuement
mon drap par voſtre beau langaige
pathelin
Jen appelle en mon couraige
et vous louez bien monſeigneur
le drappier
Maift bien vous eſtes le grigneur
trompeur monſeigneur que ie die
le iuge
Ceſt une droicte cornardie
