Le texte de cette page a été corrigé et est conforme au fac-similé.
Comment le meſchāt hōme forge
de loing pour fournir ſon libelle
il veukt dire eſt il bien rebelle
que ſon bergier auoit vendu
la laine ie lay entendu
dont fut fait le drap de ma robe
comme ſil diſt quil le deſrobe
et quil luy a emble les laines
de ſes brebis
le drappier
Male ſepmaine
menuoye dieu ſe vous ne laiiez
le iuge
Paix de par le dyable vous lauez
et ne ſcauez vous reuenir
a voſtre propos ſans tenir
La court de telle baverie
pathelin
Je ſans mal et fault que ie rie
il eſt defia ſi empreſſe
quil ne ſcait ou il a laiſſe
il fault que nous luy reboutons
le iuge
Sus reuenons a ſes moutons
quen fuſt il
