Le texte de cette page a été corrigé et est conforme au fac-similé.
Le drappier
Vecy doncques que luy demande
monſeigneur il eſt verite
que pour dieu et en charite
ie lay nourry en ſon enfance
et quant ie vis quil euſt puiſſance
daler aux champs pour abregier
ie le mis a garder mes beſtes
mais auſſi vray comme vous eſtes
la aſſis monſeigneur le iuge
il en a fait ung tel deluge
de brebis et de mes moutons
que ſans faulte
le iuge
Or eſcoutons
Eſtoit il point voſtre aloue
pathelin
Voire car ſil ceſtoit ioue
a le tenir ſans alouer
le drappier
Je puiſſe dieu de ſuyoer
ſe ce neſtes vous ſans faulte
le iuge
Comment vous tenez la main haulte