Le texte de cette page a été corrigé et est conforme au fac-similé.
de lannee drap quel malade
pathelin
Mere de dieu la coronade
par fye y men vuol anar
or regnie biou oultre la mar
ventre de diou zen dit gigone
caſtuy carrible et res ne done
ne carrilaine fuy ta none
que de largent il me ſone
auez entendu beau couſin
Guillemette
Il euſt ung oncle lymoſin
qui fut frere de ſa belle ante
ceſt ce qui le fait ie me vante
gergonner en lomoſinois
le drappier
Dea il ſen vint en tapinois
a tout mon drap ſoubz ſon eſſelle
pathelin
Venez ens doulce damiſelle
et que ceult ceſte carpaudaille
alez en arriere merdaille
ſa toſt ie vueil devenir preſte
or ſa que le dyable y puiſt eſtre
en chelle vielle preſterie
et fault il que le preſtre rie
