Page:Madeleine de Scudéry - Clélie, histoire romaine - Volume 04.pdf/760

que la crainte la plus terrible, puis que i’ay la crtitude de ne pouuoir iamais auoir nulle ſocieté auec la charmante Lucrece ; & qu’ayant tout à la fois de l’amour pour elle, & de la haine pour Tarquin, i’ay dans l’ame deux violentes paſſions ſans auoir l’eſperance de les ſatiſfaire ; car encore que i’agiſſe continuellement contre ce fier Tiran, ma raiſon ne me dit pas que ie puiſſe iamais le deſtruire : ainſi ie cherche pluſtoſt à me deſtruire moy meſme, & à me tromper, qu’à ſeruir vtilement ma Patrie. Aronce reſpondit à Brutus comme vn Amant malheureux, c’eſt à dire comme vn homme qui ſe croyoit le plus miſerable de tous les Amans : car comme on ne croit tous les maux paſſez moindres que ceux que l’on ſouffre, que parce qu’on ne les ſent plus, on ne croit auſſi tous les maux d’autruy moindres que les ſiens, que parce qu’on ne les