Page:Madeleine de Scudéry - Clélie, histoire romaine - Volume 04.pdf/754

lius, ie mettray pluſtoſt le feu dans le Palais qui luy ſert de priſon, que de ſouffrir d’eſtre l’Eſclaue d’une Eſclaue, au hazard de perir moy meſme dans le feu que i’auray allumé. La fiere Tullie prononça ces paroles auec tant de marques de fureur dans les yeux, qu’Amilcar craignit en effet que cette Perſonne qui n’auoit pas fait de ſcrupule de paſſer ſur le corps de ſon Pere pour monter au Thrône, ne ſe portaſt à quelque funeſte reſolution. C’eſt pourquoy il luy dit qu’il falloit du moins qu’on attendiſt la fin de la negociation, ou la fin du Siege, à ſe déterminer, & qu’en attendant il agiroit pour ſon ſeruice aupres de Tarquin. Apres cela ſpurius Lucretius, qui eſtoit alors Gouuerneur de Rome, vint la trouuer pour luy dire qu’il falloit de neceſſité qu’il y euſt quelque coniuration ſecrete dans la Ville, parce qu’il auoit eſté