Page:Madeleine de Scudéry - Clélie, histoire romaine - Volume 03.pdf/214

Dames. Il eſt vray qu’à ce qu’il dit l’amitié qu’il auoit pour Damo eſtoit ſi forte, qu’elle luy ſeruit de contre-poiſon contre cette paſſion tirannique qui l’a depuis ſi cruellement tourmenté, & qui le tourmente encore. Ioint que comme Licinius & Tarquinie ne pouuoient s’empeſcher de regretter Rome, Brutus dés ſes premieres années ſe mit dans la fantaiſie d’y reuenir, & de mourir pluſtoſt que de ne vanger pas la mort de ſon Pere. Il ne diſoit toutefois pas ce ſentiment là à Tarquinie, parce qu’elle eſtoit ſœur du Tiran qui auoit deſtruit ſa Maiſon : mais apres tout quoy qu’il euſt pour elle vne tendreſſe extréme, il auoit pourtant vne haine horrible pour Tarquin. Il ne voyoit touteſfois pas trop bien comment il pouuoit eſperer de luy nuire, mais il ne laiſſoit pas de ſonger à s’empeſcher d’auoir de l’amour à Me-