Brutus. Vous ſçaurez donc, que dés que Tarquin ſe fut fait Roy par l’eſtrange voye que perſonne n’ignore, il commença de ſignaler ſon regne par toutes les iniuſtices imaginables, & de vouloir affermer par la ruine de tous les gens d’honneur le Throſne où il eſtoit monté. Il ne comprit pourtant pas d’abord ſon beau-frere dans ce deſſein là, parce qu’il eſpera qu’il l’accouſtumeroit à ſes violences, & qu’il l’obligeroit meſme à eſtre Miniſtre de ſes cruautez comme vous l’allez entendre. Aſpirant à ſe rendre Maiſtre de ſes voiſins, auſſi bien que des Romains, il ſongea à aſſuiettir les Latins dés qu’il fut au Throſne : mais cela ne luy fut pas auſſi aiſé qu’il penſoit, car il y auoit vn homme appellé Turnus Herdonius, qui auoit vn grand credit parmy eux, & qui s’oppoſa à ſes deſſeins, parce qu’il luy auoit re-
Page:Madeleine de Scudéry - Clélie, histoire romaine - Volume 03.pdf/188
Cette page n’a pas encore été corrigée