Page:Madeleine de Scudéry - Clélie, histoire romaine - Volume 03.pdf/158

ma fortune, ſouffrez s’il vous plaiſt que ie vous coniure de ne iuger point de moy que vous ne me connoiſſiez tout à fait ou par moy meſme, ou par Herminius, qui ſçait tout le ſecret de ma vie, & de qui tous les ſentimens ſont les miens. Ce que ie vous ay entendu dire il n’y a qu’un quart d’heure, reprit Aronce ; ce qu’Herminius m’a dit de vous il n’y a qu’un moment, & ce que vous me dites vous meſme, me donne tant de diſpoſition à expliquer toutes choſes à voſtre aduantage, que ſans ſçauoir rien de vos auantures, ie ne laiſſe pas de croire que voſtre feinte follie eſt vn effet d’une fort grande ſageſſe, & d’une grande generoſité. Vous auez raiſon, Seigneur, dit alors Valerius, de parler comme vous parlez : car ie puis vous aſſurer que depuis qu’il eſt des hommes genereux, il n’y en a iamais eu qui ayent eſté ca-