laiſſa Celere pour tenir les choſes en l’eſtat qu’il les auoit reſtablies. Il fut donc ſecourir Mezence, menant ſeulement deux cens Cheuaux aueque luy : ainſi redonnant cœur aux ſoldats par mille actions de valeur qu’ils luy virent faire, il arriua au lieu où eſtoit Mezence : mais il y arriua iuſtement comme ce Prince qui s’eſtoit trouué abandonné des ſiens, & enuironné des ennemis, venoit de ſe rendre, & eſtoit leur Priſonnier. Il eſt vray qu’il ne le fut pas long temps : car Aronce attaqua ſi vigoureuſement ceux à qui il s’eſtoit rendu, que les vainqueurs deuinrent les vaincus, & furent contraints de laiſſer eſchaper vn Captif, dont la priſe eſtoit ſi importante. De ſorte que comme ſi la Fortune euſt voulu qu’Aronce euſt eu toute la gloire de cette Iournée, il arriua encore qu’apres auoir reſtably la Bataille, il vit
Page:Madeleine de Scudéry - Clélie, histoire romaine - Volume 02.pdf/92
Le texte de cette page a été corrigé et est conforme au fac-similé.
