Page:Madeleine de Scudéry - Clélie, histoire romaine - Volume 02.pdf/77

core auiourd’huy ainſi : car enfin diuerſes raiſons font que ie ne vous le dois pas dire : & tout ce que ie puis eſt de vous aſſurer que dés que ie le pourray ie vous le feray ſçauoir. Vous me parlez, repliqua Mezence, d’vne façon qui m’embarraſſe : car on diroit que vous eſtes vn de ces Enfans expoſez qui ne ſçauent quelle eſt leur naiſſance. Non Seigneur, repliqua Aronce, ie ne ſuis point de ceux qui ignorent leur condition : ie ſçay que la mienne eſt tres noble : mais ie ſçay en meſme temps qu’il m’importe de ne la deſcouurir point, que certaines choſes qui arriueront peut-eſtre bien toſt, ne ſoient arriuées. Comme Aronce parloit ainſi, Bianor entra : qui venoit dire à Mezence qu’il auoit apris diuerſes circonſtances qui faiſoient coniecturer que Porſenna auoit ſçeu le deſſein de celuy qui l’auoit voulu aſſaſſiner. Mais pendant