Page:Madeleine de Scudéry - Clélie, histoire romaine - Volume 02.pdf/74

ſement, qu’il n’eſt pas croyable qu’il puiſſe auoir eu nulle participation d’vn ſi terrible deſſein. C’eſt pourquoy prenez garde qu’en ne cherchant qu’vn pretexte de perdre vn innocent, vous ne deueniez criminel : & que vous ne donniez vn iuſte ſuiet aux Dieux de vanger ſa mort. Ie vous demande pardon Seigneur, adiouſta-t’il, de vous parler auec tant de hardieſſe : mais ie prens vn ſi grand intereſt à tout ce qui vous touche, que i’eſpere que mon zele me rendra excuſable aupres de vous. Ie vous ſuis ſi obligé, reprit Mezence, & ie vous aime ſi tendrement, qu’il n’eſt rien que vous ne me puiſſiez dire : & vous m’auez meſme plus d’obligation que vous ne penſez, adiouſta-t’il, de l’amitié que i’ay pour vous. En effet, vous reſſemblez ſi fort à l’homme du monde que ie haïs le plus, que ie ne