Page:Madeleine de Scudéry - Clélie, histoire romaine - Volume 02.pdf/674

& n’eſtoit pas marrie d’auoir aquis cette nouuelle connoiſſance. Mais comme elle ne vouloit pas garder la Boiſte qu’elle auoit à luy, elle la luy renuoya le lendemain, & elle la luy renuoya ſi adroitement, qu’il ne pût s’empeſcher de la receuoir : parce qu’elle fut baillée à vn de ſes Gens, qui la luy rendit ſans ſçauoir ce que c’eſtoit. De ſorte que comme Cyneſie n’eſtoit pas vne Perſonne à qui on pûſt faire vn preſent de cette nature, Artaxandre n’oſa s’opiniaſtrer à la luy vouloir faire garder : ainſi il fit vne galanterie qui le fit paſſer pour liberal, ſans qu’il luy en couſtaſt rien. Il eſt vray qu’à parler raiſonnablement il luy en couſta quelque choſe de plus precieux que cette Boiſte : puis que pour auoir veû Cyneſie, il perdit ſon cœur & ſa liberté. Artaxandre ne ſen-