choſes en vn iour : & qu’il la prioit d’attendre à luy rendre celle qu’elle auoit à luy, qu’il fut aſſez bien auec elle, pour l’obliger à la luy rendre auec ſon Portrait. Et en effet, quoy que Cyneſie pûſt faire, elle ne pût la luy faire reprendre ce ſoir-là, & il falut qu’elle ſe contentaſt qu’il luy rendiſt celle de Clidamis : qui eſtoit ſi eſpouuenté de voir vne conuerſation ſi particuliere, entre Artaxandre & Cyneſie, qu’il ne ſçauoit qu’en penſer. Mais à la fin comme il eſtoit tard, la Compagnie ſe ſepara : cependant comme Cyneſie ne vouloit pas que Clidamis s’amuſaſt à vouloir penetrer plus auant dans cette Auanture, elle fit qu’il alla reconduire Cleophile chez elle : & que cette Dame ſe chargea de luy rendre ſa Boiſte de Portrait, & de luy dire ſuiuant ſon intention, qu’Artaxandre l’auoit trouuée fortuitement ſur la Table de
Page:Madeleine de Scudéry - Clélie, histoire romaine - Volume 02.pdf/672
Cette page n’a pas encore été corrigée
