cœur. Mais pour en reuenir à Clidamis, adiouſta-t’il, ie m’aperçois qu’il me regarde de temps en temps auec beaucoup de curioſité : & ie voy meſme qu’il vous regarde d’vne certaine maniere, qui me fait croire que s’il eſt mon ſucceſſeur dans le cœur de Paſithée, il peut eſtre mon Riual pour Cyneſie. Comme Artaxandre diſoit cela, Cleophile qui auoit enfin obligé Philionte à luy dire comment leur Auanture de nuit s’eſtoit paſſée, s’aprocha d’eux, & ſe mit à faire la guerre à Artaxandre ; & Philionte s’y eſtant auſſi ioint, il ſe fit vne conuerſation fort agreable entre ces quatre perſonnes. Pour moy, diſoit Artaxandre, ie ſuis plus perſuadé que iamais de l’infaillibilité du Deſtin : car enfin ſi le hazard euſt fait que l’on euſt fait coucher la belle Cyneſie dans la Chambre de Philionte, ce ſeroit peut-eſtre luy qui en ſeroit amoureux, & non pas moy. De
Page:Madeleine de Scudéry - Clélie, histoire romaine - Volume 02.pdf/670
Cette page n’a pas encore été corrigée
