alla : & la Princeſſe des Leontins continuant de loüer Aronce de la fidelité qu’il auoit meſme pour ſon Riual, il ſe lia entre eux vne amitié tres ſolidement eſtablie. En effet cette Princeſſe fut à Perouſe ſuiuant ſa promeſſe : Aurelie y fut auſſi : mais pour Sicanus il demeura auec Nicius, & Martia, à donner diuers ordres ſecrets pour apuyer Aronce, quand il en ſeroit temps. Cependant comme Aronce ſe trouua en eſtat d’aller & d’agir, & que l’intereſt du Roy ſon Pere, le ſien propre, & celuy de ſon amour, vouloient qu’il allaſt le plus viſte qu’il pourroit aupres de Mezence, il y fut deux iours apres que la Princeſſe des Leontins fut partie de l’Iſle des Saules : mais il y fut reçeu auec tant d’honneur, que Mezence le fit loger dans ſon Palais, & voulut que tout le monde le regardaſt comme vn homme à qui il de-
Page:Madeleine de Scudéry - Clélie, histoire romaine - Volume 02.pdf/67
Le texte de cette page a été corrigé et est conforme au fac-similé.
