Page:Madeleine de Scudéry - Clélie, histoire romaine - Volume 02.pdf/665

de me dire preciſément la bizarre Auanture qui vous a fait faire vne action de liberalité, en faiſant vn Larcin. Ie vous declare pourtant par auance, adiouſta-t’elle, que la Boiſte que vous auez priſe n’eſt pas à moy : & que celle que i’ay à vous n’y ſera iamais. Ie vous aſſure Madame, reprit Artanxandre, que ie ne me ſouuiens point que vous ayez rien à moy que mon cœur, que ie vous prie pourtant tres ſerieuſement de ne me rendre point : car en verité, ie ne ſçaurois le mettre ny en de meilleures, ny en de plus belles mains. Quoy qu’il en ſoit, dit-elle, aprenez moy par quel enchantement cette Auanture eſt arriuée ? vous auez raiſon Madame, repliqua-t’il, de la nommer vn enchantement : car depuis qu’il eſt des Amours, on n’en a iamais veû naiſtre de cette maniere. De grace repliqua Cyneſie, laiſſez les Amours