leur et le plus ancien de ſes Amis : & à faire vne ſatyre de la vie de la Campagne, la plus agreable du monde. Mais, luy dit alors Cyneſie en riant, dequoy vous pleignez vous ? car enfin vous ne me connoiſſiez pas hier, & vous ne me connoiſſez encore guere auiourd’huy. C’eſt de cela dont ie me pleins Madame, reprit-il, puis que ſi i’auois eu l’honneur de vous connoiſtre pluſtoſt, ie n’aurois pas la honte d’auoir porté d’autres Chaines que les voſtres : & i’aurois peut-eſtre la gloire d’auoir deſia aquis quelque place en voſtre cœur. Mais afin que vous ne penſiez pas que ie ſois vn de ces diſeurs de flatteries, qui les diſent bien ſouuent ſans ſçauoir à qui ; ſouffrez que ie vous aſſure que vous ne m’eſtes pas auſſi inconnuë que vous le penſez : & qu’il y a plus de dix-huit heures que i’ay de l’admiration pour vous, & quelque choſe de plus.
Page:Madeleine de Scudéry - Clélie, histoire romaine - Volume 02.pdf/662
Cette page n’a pas encore été corrigée
