Madame, me dit-il, car ie m’en vay à Crete durant que vous n’y eſtes pas & ie m’y en vay auec la reſolution de taſcher de me faire aimer de quelque aimable Perſonne : à condiſion que vous me ſçaurez gré de la contrainte que ie me feray en la ſeruant, & en feignant d’auoir de l’amour pour elle. Comme ie ne cherchois qu’à me deffaire de Clidamis, & que ie ne penſois pas effectiuement qu’il pûſt eſtre plus heureux à l’aduenir que par le paſſé, ie luy dis que ie le voulois bien : de ſorte qu’il me laiſſa à la Campagne, & qu’il s’en reuint à Crete : iuſtement comme Artaxandre, à ce que i’ay ſçeu, rompit auec Paſithée, parce qu’elle n’auoit pas aſſez regreté Philicrate. Si bien que le hazard ayant fait que Clidamis ſçeut le deſordre qui eſtoit entre eux, & qu’il connoiſſoit l’humeur de Paſithée, il s’attacha à la voir :
Page:Madeleine de Scudéry - Clélie, histoire romaine - Volume 02.pdf/651
Cette page n’a pas encore été corrigée
