de deſordre : & pour luy demander comment elle ſe trouuoit de la frayeur qu’elle auoit euë. Mais dés qu’elle la vit, & qu’elle la vit ſi belle ; ha Cyneſie, luy dit-elle, comment eſt-il poſſible qu’il ne paroiſſe point à vos yeux que vous ayez mal dormy, apres la mauuaiſe nuit que vous auez euë ? car pour moy ſi i’auois eu vne ſemblable frayeur, il faudroit que ie me cachaſſe le reſte du iour : parce que i’aurois le teint ſi mauuais, les yeux ſi battus, & que ie ſerois ſi accablées, que ie ferois peur. Cependant ie vous voy bien plus propre à porter le Feu par tout, qu’à faire croire que vous auyez eu peur d’eſtre bruſlée. Il eſt vray, dit Cyneſie, que i’ay dormy auſſi profondément cette nuit, que s’il ne me fuſt rien arriué de faſcheux, & que ie n’euſſe point changé de Lit : & pour vous en donner vne preuue, luy dit-elle, il faut que ie vous raconte la
Page:Madeleine de Scudéry - Clélie, histoire romaine - Volume 02.pdf/642
Cette page n’a pas encore été corrigée
