Page:Madeleine de Scudéry - Clélie, histoire romaine - Volume 02.pdf/629

Cyneſie portoit attachée au bras qu’elle auoit ſi negligemment eſtendu, il s’aprocha doucement de cette belle endormie : & ſe mettant à genoux, il deſnoüa auec vne adreſſe extréme le Cordon noir qui tenoit la Boiſte qu’elle portoit : & la changeant diligemment auec la ſienne, il renoüa ce Cordon apres auoir fait cét eſchange, & le renoüa ſi adroitement que Cyneſie ne s’en eſueilla pas. Mais i’oubliois de vous dire que comme cette Boiſte qu’Artaxandre mit au bras de Cyneſie, auoit eſté faite pour mettre vn Portrait de Paſithée qu’il luy auoit rendu en rompant auec elle, il n’y auoit rien dedans : de ſorte que comme il ſçait deſſigner, quoy qu’il n’ait iamais apris, & qu’il porte ordinairement vn Crayon ; comme il a l’imagination aſſez viue, il eſcriuit ces quatre Vers dans cette Boiſte de-