Page:Madeleine de Scudéry - Clélie, histoire romaine - Volume 02.pdf/626

qu’ils veulent repreſenter. De plus, Cyneſie auoit la teſte apuyée ſur vn bras, & la main pendante ſur le quarreau qui luy ſeruoit de cheuet : & comme elle s’eſtoit deſhabillée auec aſſez de tumulte, vne partie de ſes treſſes s’eſtant deſtachées, on voyoit cinq ou ſix groſſes boucles de cheueux noirs, qui luy tombaient negligemment ſur la gorge qu’elle a admirable, & qui eſtoit à demy deſcouuerte : parce qu’vn Cordon qui attachoit vne Tunique pliſſée qu’elle auoit, s’eſtoit deſnoüé. Pour le bras gauche, elle l’auoit nonchalamment etendu hors du Lit, ce qui faiſoit qu’on pouuoit voir qu’elle a les plus beaux bras du monde. De plus Artaxandre vit qu’elle auoit tous les traits du viſage admirables : car encore qu’il ne la viſt pas les yeux ouuerts, il ne laiſſoit pas de s’imaginer qu’elle les auoit fort beaux. Il trouuoit meſme qu’elle