violence au commencement, que Philire & Cyneſie, craignant plus pour leur vie que pour toute autre choſe, en ſortirent, & ſe ſauuerent chez le Pere de Philionte, dont la Maiſon eſtoit de l’autre coſté de la Ruë : qui eſtoit aſſez large pour ne deuoir pas craindre que le feu ſe communiquaſt aiſément. Cependant comme elles furent ſecouruës promptement par tous ceux de leur voiſinage, le feu s’eſteignit aſſez toſt : Philire & Cyneſie ne purent pourtant retourner coucher chez elles : parce que ne ſçachant pas ſi on pourroit eſteindre ce feu, leurs Gens auoient diligemment démeublé leurs Chambres, pour en ſauuer leurs Meubles : ſi bien que la Mere de Philionte, qui eſt vne Perſonne tres officieuſe, pria Philire & Cyneſie de coucher dans ſa Maiſon. Il luy eſtoit d’autant plus aiſé de leur faire cette ciuilité, qu’Ar-
Page:Madeleine de Scudéry - Clélie, histoire romaine - Volume 02.pdf/617
Cette page n’a pas encore été corrigée
