Page:Madeleine de Scudéry - Clélie, histoire romaine - Volume 02.pdf/608

reprit Paſithée en riant, que Cephiſe n’a pas mis Philicrate au rang où il deuoit eſtre : car il eſtoit mon Amant, & elle ne l’a placé qu’au rang de mes amis. Apres cela Artaxandre qui auoit l’eſprit irrité de l’inſenſibilité du cœur de cette Perſonne, luy dit encore cent choſes où il paroiſſoit quelque aigreur & quelque malice : en ſuite dequoy la Compagnie s’eſtant ſeparée, Artaxandre remena Cephiſe chez elle, qui auoit ſans doute pour luy vne eſpece d’amitié qui euſt pû aiſément deuenir amour. De ſorte qu’elle n’eſtoit pas marrie de luy voir l’eſprit vn peu irrité contre Paſithée : au contraire elle luy dit encore cent choſes qui l’irriterent dauantage. Car elle luy apprit cent particularitez de ſa premiere galanterie, que Paſithée ne luy auoit pas dittes, parce qu’elle ne s’en ſouuenoit plus. Et en effet Artaxandre auec tout