Page:Madeleine de Scudéry - Clélie, histoire romaine - Volume 02.pdf/607

on a perdu les premiers. Il eſt vray, reprit Artaxandre, que vous n’auez guere à faire de le ſçauoir : ie l’auouë encore, dit-elle, mais c’eſt parce que toutes mes Amies & tous mes Amis ſe portent ſi bien, que ie ne ſeray de long temps en la peine de deliberer ſi i’en veux faire d’autre, ou ſi ie n’en veux pas faire. Vous deuriez adiouſter à ce que vous dittes, repliqua Cephiſe, que vous ſçauez deſia comment il en faut vſer : car n’auez-uous pas perdu Philicrate ? Il eſt vray (dit elle ſans rougir, & ſans eſtre deſconcertée) que i’ay pris Artaxandre à ſa place : ie ne ſçay pas Madame, reprit-il, ſi ie ſuis à la place de Philicrate : mais ie ſuis perſuadé que la ſienne eſt preſques meilleure que la mienne : car ie penſe qu’il eſt plus doux d’eſtre dans le Tombeau, que d’eſtre dans le cœur d’vne Perſonne de voſtre humeur. Mais il me ſemble,