Page:Madeleine de Scudéry - Clélie, histoire romaine - Volume 02.pdf/603

veux pas que ce ſoit le nouuel Amant qui chaſſe le premier du cœur de la Dame : au contraire ie veux que ce ſoit la raiſon & le temps qui l’ayent conſolée, & qui l’ayent miſe en eſtat de pouuoir aimer vne ſeconde fois. En effet (pourſuiuit Cephiſe auec vne malice extréme) ie ne fais point de difficulté de dire qu’vne Femme qui s’engage à vne nouuelle affection auſſi toſt apres la mort de ſon premier Amant, eſt vne infidelle : & vne infidelle plus inhumaine, & plus inſenſible, que ſi elle l’eſtoit pour vn Amant viuant. On voit bien, interronpit Paſithée en riant, que tous vos Amans viuent, & ſe portent bien : car ſi vous pouuiez ſeulement craindre qu’ils mouruſſent deuant vous, vous ne parleriez peut-eſtre pas comme vous faites. Cependant ie ſuis contente de cét article : car plus vous diriez de choſes, moins ie trouuerois