Page:Madeleine de Scudéry - Clélie, histoire romaine - Volume 02.pdf/596

point de remede : & que la plus grande ſageſſe eſt de ſe conſoler promptement : auſſi puis-ie vous aſſurer que ie n’oublie rien pour cela : & que quand i’ay perdu quelqu’vn que i’aimois, ie n’ay iamais manqué de me deffaire de tout ce qui pouuoit m’en faire ſouuenir. Il eſt vray, dit malicieuſement Cephiſe, que i’ay oüy dire que Paſithée ayant perdu vne Perſonne qui luy eſtoit fort chere, & dont elle auoit vn Portrait & des Lettres, bruſla fort diligemment toutes les Lettres qu’elle en auoit, & qu’elle ſe deffit du Portrait qu’on luy auoit donné. Ie l’aduouë (repliqua bruſquement Paſithée en rougiſſant) & ie ſouſtiens meſme que c’eſt ainſi qu’il en faut vſer : car dequoy ſeruiroit toute ma douleur à vne Perſonne morte ? Mais dequoy ſert voſtre affection à vne Perſonne viuante, repliqua Artaxandre ; puis qu’il eſt im-