Mois ? Pour des Amis, reprit Philionte en riant, Paſithée n’en ſçauroit perdre, car les Perſonnes de ſon humeur n’en ont iamais : mais pour vn Amant, elle en a perdu vn qu’elle aimoit autant qu’elle peut aimer, & qu’elle deuoit regreter toute ſa vie. Mais d’où vient que vous ne m’auez rien dit de cette Auanture ? reprit Artaxandre : ie vous ay veû d’abord ſi ſatiſfait de Paſithée, repliqua Philionte, que ie n’ay pas creû que ie deuſſe vous dire vne choſe qui ne luy eſt pas auantageuſe : & ie ne vous en aurois iamais parlé, ſi vous ne m’en auiez parlé le premier. Mais encore, reprit Artaxandre, comment ſe nommoit celuy qu’elle a aimé, & comment eſtoit-il fait ? Il eſtoit ſi beau & de ſi bonne mine, reprit-il, qu’il n’y a iamais eu d’homme mieux fait que celuy-là : il eſtoit d’vne condition beaucoup au deſſus de celle de
Page:Madeleine de Scudéry - Clélie, histoire romaine - Volume 02.pdf/578
Cette page n’a pas encore été corrigée
