Page:Madeleine de Scudéry - Clélie, histoire romaine - Volume 02.pdf/56

ſoudre à la recacheter ſans la voir. Cependant il ſe trouua que ç’en eſtoit vne de celles que ie n’auois pas veuës : & qu’elle s’adreſſoit à vn homme qui ne me haïſſoit pas en ce temps là, & qui eſtoit ſon Parent. De ſorte que comme ie luy auois dit beaucoup de bien de luy, & que ie ne luy en auois dit aucun mal, ie trouuay qu’elle luy aprenoit dans cette Lettre tout ce qu’elle ſçauoit à ſon auantage : & qu’elle le luy aprenoit d’vne maniere à luy donner les plus grandes eſperances du monde. Si bien que rougiſſant de colere & de deſpit, & trouuant ce que ie ne penſois pas trouuer, ie me reſolus d’ouurir toutes les Lettres que ie n’auois pas veuës : & certes ie ne m’en repentis pas, quoy qu’elles me donnaſſent vne extréme colere. Car ie trouuay dans vne (qui s’adreſſoit à vne de ces Femmes qui ont autant de mauuaiſes