Page:Madeleine de Scudéry - Clélie, histoire romaine - Volume 02.pdf/556

meurs d’enuie de pouuoir iuger de moy meſme, & de ſçauoir preciſément comment i’agis, & comment ie parle, ie vous prieray quelque iour de me contrefaire auſſi bien que vous contrefaites celuy que vous repreſentez : & ie vous promets à mon tour de vous donner le meſme plaiſir, ſi vous auez la meſme curioſité que i’ay. Pour voſtre Amy Madame (luy dit-il, en reprenant ſon ton de voix ordinaire que tout le monde trouue aſſez agreable) ie ne ſçay ſi ie le pourray eſtre, car vous eſtes bien belle pour vne amie. Il eſt vray (repliqua-t’elle en riant) qu’on fait quelqueſfois des Maiſtreſſes qui ne me valent pas : mais puis que tout galant que vous paroiſſez, ie ne laiſſe pas de me vouloir contenter que vous ſoyez mon Amy ſans eſtre mon Amant, il ne vous ſera peut-eſtre pas ſi difficile que vous penſez