Page:Madeleine de Scudéry - Clélie, histoire romaine - Volume 02.pdf/553

parler de Paſithée ſans l’auoir veuë : parce qu’elle auoit touiours eſté à la Campagne depuis qu’il eſtoit arriué à Grece : ſi bien que ſe tournant vers ſon Amy, qui ſe nommoit Philionte ; à la fin, luy dit-il, ie verray donc cette belle enioüée dont i’ay tant entendu parler. Vous la verrez ſans doute, repliqua-t’il, & ie ſuis le plus trompé de tous les hommes, ſi elle ne vous plaiſt à peu prés autant que vous luy plairez. Apres cela, Artaxandre qui a naturellement l’action aſſez libre, entra dans ce Iardin : il n’y fut pas pluſtoſt, qu’il vit cinq ou ſix Femmes à l’entour d’vne Fontaine, qui parloient aſſez haut, & qui parloient auec aſſez de ioye. Mais entre les autres, Artaxandre en vit vne qui eſtoit de taille mediocre, & admirable en beauté : qui ayant l’action viue, le port agreable, les yeux brillans, & enioüéz, le ſourire ſur