trouué ce qu’Amilcar luy auoit dit fort plaiſant, il en fit le ſuiet de la conuerſation, ſans en dire pourtant la veritable cauſe : car il fit venir à propos d’en parler comme d’vne choſe generale, où perſonne de la Compagnie n’auoit vn intereſt particulier. Il ne s’agit pas (dit-il apres auoir commencé de propoſer la queſtion dont il s’agiſſoit) de ſçauoir ſi vne belle enioüée eſt plus aimable qu’vne belle melancolique, ou qu’vne belle fiere & capricieuſe : mais il s’agit d’examiner laquelle eſt la plus propre à aimer, & à donner de plus ſenſibles marques d’amour. Ha Seigneur (reprit Celere qui ne ſçauoit point le deſſein d’Amilcar) vne belle enioüée donne de l’amour ſans en prendre : & ie ne ſçache rien de plus inſuportable que de trouuer vne de ces belles d’humeur brillante & guaye, qui dés le premier iour vous
Page:Madeleine de Scudéry - Clélie, histoire romaine - Volume 02.pdf/511
Cette page n’a pas encore été corrigée