Iſle, i’eſcriuis ces paroles contre vne Feneſtre.
Iſle, i’eſcriuis ces paroles contre vne Feneſtre.
Si quelque Amy de Clelius paſſe icy, qu’il ſçache que l’on mene Clelie à vne des Iſles du Lac de Thraſimene.
De ſorte que ie preſupoſe aueque raiſon, que le Prince de Numidie ayant paſſé fortuitement en ce lieu-là, prit des Gens & me ſuiuit. Cependant apres le Combat qu’Horace fit auec ce Prince, où il fut bleſſé, nous allaſmes à cette Iſle, où il guerit aſſez promptement. Mais comme on entendit parler de ce commandement exprés que faiſoit faire le Prince de Perouſe, de chercher dans tout ſon Eſtat, ſi Horace & moy n’y eſtions pas : celuy qui luy auoit promis que cette Iſle luy ſeroit vn Aſile inuiolable, n’oſant pas s’aſſurer de luy pouuoir tenir ſa parole, l’obligea d’en partir : ſi bien
