Page:Madeleine de Scudéry - Clélie, histoire romaine - Volume 02.pdf/506

long du Lac, & non pas deſſus. Il eſt vray, reprit Clelie, mais c’eſt qu’en faiſant ce voyage, le hazard fit rencontrer à Horace le Fils de celuy qui commandoit dans vne des Iſles du Lac, qui eſt au delà de celle où l’on gardoit alors la Reine voſtre Mere. Si bien qu’ayant fait amitié aueque luy, & luy ayant confié tout ſon ſecret, Horace changea de deſſein : & prit la reſolution de me mener dans cette Iſle, où cét homme l’aſſura qu’il trouueroit vn Aſile inuiolable. Et en effet il me fit entrer dans vne Barque, où luy & ſes Gens, & ceux de celuy que nous auions trouué entrerent auſſi : mais à peine fuſmes nous ſur ce Lac, que le Prince de Numidie parut ſur le bord, accompagné de Gens armez : & qui ayant trouué vne autre Barque ſe ietta dedans auec les siens, & vint attaquer Horace comme vous le viſtes