Page:Madeleine de Scudéry - Clélie, histoire romaine - Volume 02.pdf/501

ques de Bonté pour moy, que ie ne puis m’empeſcher d’abandonner mon cœur à la plus douce ioye qu’il ait iamais ſentie. Mais Madame, pour la rendre encore plus ſenſible, dittes moy que vous receuez quelque legere conſolation en me reuoyant, & en me reuoyant aueque plus d’amour que ie n’en auois, lors que ie vous iurois aueque verité que i’eſtois le plus amoureux de tous les hommes. Si voſtre veuë ne me conſoloit point, repliqua Clelie, ie ſerois ſi déraiſonnable, qu’en verité Seigneur, ie me ferois honte à moy meſme. Ha Madame, interrompit-il, ne me nommez point ainſi : puis que ie ſuis touſiours ce meſme Aronce que la belle Clelie apelloit encore ſon Frere, lors qu’elle commença de le regarder fauorablement comme ſon Amant : & ſoyez fortement perſuadée que ie renoncerois aueque ioye à la qualité