Page:Madeleine de Scudéry - Clélie, histoire romaine - Volume 02.pdf/495

luy auoit ſemblé fort belle, & qu’il la vouloit retenir adroitement, il dit à Amilcar que ce qu’il luy demandoit eſtoit iuſte : & qu’il declaroit à Celere que ſa Sœur n’eſtoit point Captiue. Mais apres cela, adiouſta-t’il, il faut que ie vous demande vne grace à mon tour : & que ie vous perſuade d’attendre la fin du Siege d’Ardée à la voir en liberté : car il m’importe extrémement que les Veſtales ne penſent pas auoir droit de me venir demander des Priſonniers de Guerre, comme elles ont celuy de me demander des Criminels. En effet, ſi ie leur donnois lieu de penſer qu’elles puſſent auoir ce Priuilege, il ſe trouueroit à point nommé vne Veſtale au coin d’vne ruë, dés que l’on ameneroit quelque Priſonnier de Guerre conſiderable à Rome. Mais Seigneur, repliqua Aronce, puis que cette Captiue n’eſt