Page:Madeleine de Scudéry - Clélie, histoire romaine - Volume 02.pdf/491

duë aux conuerſations d’amour. Pendant que Sextus & Amilcar parloient ainſi, il y auoit vne de ces Dames chagrines qui de ſon naturel eſtoit fiere, & vn peu capricieuſe ; qui ne pouuant ſouffrir alors vne conuerſation de cette nature, querella preſques Amilcar : mais comme elle eſtoit bien faite, & qu’elle paroiſſoit auoir de l’eſprit, il luy reſpondit fort ciuilement, quoy que ce fuſt auec vne raillerie fort ingenieuſe. D’autre part, l’enioüée, qu’Amilcar diuertiſſoit fort, s’oppoſoit à ſon Amie : & luy diſoit qu’elle auoit grand tort de pretendre qu’Amilcar deuſt eſtre chagrin, parce qu’elle eſtoit chagrine. De ſorte qu’il ſe fit alors vne conuerſation tout à fait diuertiſſante : elle ne fut pourtant pas fort longue : car à la fin comme il eſtoit deſia tard, Sextus & Amilcar s’en allerent : mais comme