Lettre par vne voye détournée, qui ne s’adreſſoit point à elle, & qui s’eſtoit trouuée parmy d’autres Lettres qu’on luy eſcriuoit. Mais dés qu’elle en vit la ſuſcription, elle connut qu’elle eſtoit de la main de cette Dame qu’elle n’aimoit pas : & elle vit qu’il y auoit au deſſus, le nom d’vn homme qui eſtoit fort amoureux de Statilie, & qu’elle ſoubçonnoit alors luy auoir fait vne infidellité : parce que depuis quelque temps il la voyoit vn peu moins aſſiduëment qu’à l’ordinaire, & qu’il voyoit dauantage cette autre Dame. Si bien que raiſonnant alors ſelon les ſentimens qu’elle auoit dans l’ame, & ſelon les aparences, elle creût que c’eſtoit qu’il eſtoit deuenu amoureux de cette Perſonne : & elle en tira cent conſequences qu’elle croyoit infaillibles, & qu’elle tiroit ſur des coniectures qu’elle croyoit indubi-
Page:Madeleine de Scudéry - Clélie, histoire romaine - Volume 02.pdf/49
Le texte de cette page a été corrigé et est conforme au fac-similé.
