Page:Madeleine de Scudéry - Clélie, histoire romaine - Volume 02.pdf/489

me, de la conduire de leurs Familles, ou des nouuelles de la Ville : car dés que l’on a dit vn tel eſt mort ; il a fait ſon Teſtament ; vne telle ſe marie à vn homme riche, & elle a des Habillemens magnifiques : & que l’on a dit en ſuite, celuy-cy s’eſt broüillé auec celuy-là ; cét autre s’en va aux Champs ; & cét autre a vn Procés ; on ne ſçait plus dequoy parler : & ie ſçay meſme auec certitude, qu’en diſant tout ce que ie viens de dire, vne ieune & belle Perſonne ne s’en diuertira point. Ainſi il en faut touſiours reuenir à l’amour, ſoit que l’on en parle ſerieuſement, ou non, car vne folie de cette nature ditte galamment parmy des Dames, les diuertir plus que de grands raiſonnemens de Morale & de Politique : ou que des conuerſations de nouuelles, quand meſme on raconteroit de nouuelles, quand meſme on raconteroit ce qui ſe paſſe par toute la Terre. Ie ſuis tellement