Page:Madeleine de Scudéry - Clélie, histoire romaine - Volume 02.pdf/480

Artemidore, Zenocrate, & Celere, s’en allerent auec Aronce, faire vne viſite à la vertueuſe Siuelia, qui les reçeut admirablement bien, au ſeul nom d’Herminius : & Amilcar s’en retourna chez Tullie, où il trouua le Prince Sextus auec qui il agit comme s’il euſt voulu lier vne amitié tout à fait particuliere, & eſtre de tous ſes plaiſirs. De ſorte que comme il ſçauoit qu’il n’y auoit iamais de conuerſation agreable pour ce Prince, lors qu’on n’y parloit point de Dames, il ſe mit à loüer ces belles Priſonnieres, & à luy demander s’il leur feroit point vne viſite dés le ſoir ? car enfin Seigneur, luy dit-il en riant, en matiere d’amour, il faut touſiours parler le premier : c’eſt pourquoy s’il y a quelqu’vne de ces Captiues qui vous plaiſe, haſtez vous de luy dire qu’elle vous a donné des Fers plus peſans que les ſiens. Com-