Page:Madeleine de Scudéry - Clélie, histoire romaine - Volume 02.pdf/475

Ioint que comme on eſt venu à parler de galanterie & d’amour, i’ay bien-toſt eu remarqué que le Prince de Pometie auoit dans le cœur tous les grands & tendres ſentimens de ce qu’on appelle vne belle paſſion : ſi bien que rapellant dans mon eſprit tout ce que i’en ay iamais oüy dire aux autres, & tout ce que i’en ay ſenty moy meſme, il s’en eſt peu falu qu’il ne m’ait ouuert ſon cœur, & qu’il ne m’ait dit qui il aime. Pour le Prince Titus, comme il eſt froid naturellement, il ne m’a pas tant ouuert ſon ame : mais ie ne laiſſe pas de connoiſtre qu’il a diſpoſition à m’aimer. Amilcar a encore fait vne choſe plus extraordinaire, reprit Zenocrate, car il y a vn Neueu du Roy qui ſe nomme Brutus, qui paroiſt tout à fait ſtupide, & en qui on n’auoit iamais veû nulle marque d’eſprit : qui eſtant derriere ces Princes